okay, ready ako ren nga i-storya

namuno ko sa nagligad ko nga blog nga nagapati ako sa karma. amo ra tulad, i storya ko ren kung naga gapati ako nga gin-karma gd man ako.

2 weeks ago, may nakilala ako nga laki. pagkatapos nga mag chat sa ym, daw nawili lang kami ka storya, gintao na ang number na. ako man nga hangag, gintao ko man akon number. wara gani guro sangka oras namangkot tana kung pwede kuno tana katawag. ti hambal ko, okay lang kanakon. kag sara pa, kinanglan ko gd kang ka storya amo to nga time.

okay man. ka mga intelligent topics ang gin storyahan namon. kis a daw ka dalum gd. pero namian ako. kay daw ka buhay ren gd abi nga may nakilala ako nga may passion man magbasa, mag discuss about religion, society, culture differences, oppression kag iban pa nga mga ka dalmingan. ti kundi nagtabo gd utok namon eh. martes pa to nga daan kang nag umpisa tana ka tawag.

pagkadason nga adlaw, nagtawag riman tana. basta, kasagad kana. feeling ko lang. man an ko, nag drop out gali tana sa med school, ga ubra sa child protection agency, na danlug tana sa parking lot, nag suicide ang last na nga miga, nami tana mag english.

pero sa mga conversation namon, gasulod sa ulo ko pirme si a, kay ang mga tinaga bala nga gina gamit na, amo gd sa mga ginapanghambal ni a kasan o kanakon. nag wonder gani ako basi si a tana tapos naga kuno kuno lang. hay maan!

pagka huebes, naghambal tana nga gusto na mag agto ja. na shock ako eh. hambal ko, kung gusto mo mag agto, agto kaw eh. baw nag check tana dayon kang flights kag kung anu ano pa. pero later on, nag desisyon man tana nga dar-on na na lang sarakyan na. ti, sige, amo to, hambalanay kami nga ma storya na lang kami liwan pagka biernes ti aga kung gusto ko pa bala nga ma kita tana or indi.

ang hangag man nga joanna marie, pagka biernes, amo man japon ang desisyon na. nga okay lang kung mag agto tana ja kay ti wara man ti plano ang mga babaye sa amo to nga weekend. ay! may jan gali! hehehe. manyapon kina ate hazel kag mag agto sa alex. pero wara ko pa ra ginhambal sa laki.

kang sa hapon ren, sige man update namon sa sara kag sara kung diin tana ron. hambal na mga ala siete tana maabot. ti gihambal ko man kay ate hazel nga part kang pag move on ko, may maagto nga laki ja kanakon. okay man kay ate hazel. hambal na gani nga dar on ko sa balay na.

baw! nag alas siete ren wara japon nag abot ang laki. nagtawag, hambal na nagtalang tana, sala nga way gi agyan na. pagka alas otso y medya, nagtawag riman. gin dakup kuno tana kang police kay dasig padalagan na. mabayad kuno tana ti 7 thousand kroner! whhhaaat?! baw! daw na konsensya man ko ba! pero natak an ako kahulat kana. maan!

tapos pati si ate hazel, nag ugtas kanakon nga ginhulat ko gd tana. daad kuno nagsunod ren ako kay jillian pagsugat kana ni kuya geir. wara ko ren gani ginsabat mga tawag na mong. kay natak an man ako.

mga alas nueve y medya tana nag abot. hambal ko sa esso kami makitaay. pag abot ko to, may nakita ako nga pula nga sarakyan. sa isip ko lang, baw daad indi ra tana kay karaw ay kang sakyanan na! gintawgan ko tana. baw. ana gd ang pula nga sarakyan. kag pagnaug na sa car, pagkita ko kana, nagpati gd ako dayon nga ang karma, indi lang haum haum, kundi tuod tuod gd. kag indi mo lang mabatyagan, makita mo pa! in short, indi ko gd tana feel! daw masuka ako!

pero ti, wara ren ako ti may mahimo kay jan ren. nag usik tana ka walo ka oras para mag agto ja. gipasakayan ko na lang eh. storya storya man kami samtang paagto kanday ate hazel.

pag abot sa balay ni hg, pagkakita ko pa lang kananda, nag libot ren kalimutaw ko! daw madalagan ako nga indi ko maintindihan. syempre, para ano pa nga nag intermedius ako kung indi ako kamaan mag arte, di ba? yuhom yuhom lang ako sa tubang na eh. mayad lang kay si hg, todo ang supota kanakon. after na nga taw an ka damug, gihambalan na nga to mapungko sa sala imaw ni kuya geir.

baw! kang kami na lang nga tatlo ni jillian ang bilin sa kusina, grabe ren ang mga hinambalanon kag kadlaw eh. to ren nag umpisa ang hambal ko nga gina karma ako. si jillian man tana, gina confirm na man kanakon. si hg tana, hambal na, indi ren ra pagpadayuna joanna! hay maan! grabe ren kinadlaw namin eh! tapos indi man kami pagusto ka panglibak kay makita naman kami sa sala. may time pa to gani nga nagpalipud ako mong kay daw gusto ko ra gd mag syagit!

pagkatapos namon tana kaon, naghimos ren si hg para magpa alex. ang karma tana, to sa sala eh kag ga storya kay kuya geir. pasalamat lang ako kay kuya geir. kang ready kami ren, ginhambalan tana ni hg nga, ma gwa kami, kung gusto mo ja lang kaw kag mag storya sa bana ko. hahaha! hambal na, ay, nag agto ako ja para makita si joanna. hambal ko, sunod kaw sa alex eh, okay lang man ra. so amo ren to. kang sa sarakyan kami ren, ga reklamo si hg kang pang drive na. pati ako nakulbaan man gani. maan ah. daw ka reckless lang kana mag maneho abi. pero mayad lang to kay naka abot man kami sa alex nga buhi.

kang sa alex ren, nainit ako kay gina bayaan kami ni hg, jillian kag pia. kag nag order tana kang irimnon na, wara na man lang ako gi orderan! hmp! tapos syempre, gusto ko magsaot, magliwaliw ukon magtanga man lang sa mga naga saot. baw, ana tana sagay ka storya about writing, nga immature pa tana kuno para maging writer, gusto na magdaug sa lotto, storya about a famous norwegian author, kung nag madre bala ako. maan! daw gusto ko hambalon nga, pwede, indi lang ta mag storyahanay? natak an ako! pagbalik gani nanda ni jillian, nag excuse ako dayon nga mag banyo kay indi ko ra gd kaya. hambal pa ni hg, paulia ren to ra sa hotel na! hahaha! si hg talaga! kag, gapabati bati pa si jillian nga gusto na mag tequila, ay, gin ignore na lang si jillian! insensitive!

kang dali na lang mag sarado ang alex, ginhambalan ko tana nga kung gusto na ren mag balik sa hotel na, panaw lang tana. in fairness, gidul ong ko pa tana sa gwa ha! gosh! nagpaka nice man ako kana.

pagka bugtaw ko kang sabado, nag text ako kana. gi kamusta ko lang tana. hambal na maagto tana ja kay mangape. gikita ko tana sa esso riman. baw, namayha gd ako daad nga makita kang mga taga stryn nga gapanaw panaw nga may imaw nga karma, pero anhon ko ra abi. gin panindugan ko na lang ang pagka nice ko e. to ko tana gin dara sa kapehan nga talagsa lang namon gina kadtuan. ang topic naman namon kang amo to nga time, autism kag mga advanced research on how to work with children with autism. o di ba? abi ko gani gina study-han na man ako eh. super behave ako gani. ga hango hango lang kag mag komentar kung kaisa.

pagka turok na sa orasan na, naghugyaw ang kalag ko! kang gapanaw kami pabalik sa sarakyan na, nakita ko si jillian sa pihak nga karsada. baw, mas naghugyaw pa gd ako! gindul ong tana namon nga darwa ni jillian sa sarakyan na. pagkatapos mag paalam kana, pagtalikod ko, hambal ko gd dayon kay jillian, hay salamat! natapos gd man! pamatyag ko nga daan, amo to ang pinakalawig nga adlaw kang kabuhi ko. kag matyag ko ginsilutan gd ako sa kung ano man nga mga kasal anan nga nahimo ko.

pag agto namon ni jillian sa torg, medyo dura pa ako sa paminsaron ko. naga tanga pa ako gani. ginhambalan pa ako ni jillian na magtarong kay daw buang lang ako nga sagay hambal tapos matanga.

hay! kung ginsilutan gd man ako kang amo to nga weekend, ti siguro, deserving gd man ako. kay nag antos gd ako ti perti! kag sa mga nagsunod nga inadlaw, grabe man ang pasakit ko. so tulad, nga medyo naka hinulsol ako ren kag nakapanumdom ti gamay, daw medyo nadura riman ang karma ah.

kabay pa nga indi ren magbalik kag indi ren ja matabo riwan kanakon!

indi ako ren magliwan! sumpa man!